دا شيعة
واحنا سنة
دا فين ومصر فين!
عايزين يدخلونا
نظام ودنك منين
وناس تقول شيوعي
وعامل نفسه شيعي
عشان خايفين طبيعي
ليبقوا ثورتين
يا أسيادنا اللصوص
قرينا في النصوص
لو الإنسان يلوص
يغوروا الفرقتين
وشفنا في الكتاب
لقينا الدين حساب
وثوره وانتساب
وعين تساوي عين
سرقتوا الثورة منا
وقلتوا الصبر منه
وعقب البصر جنةْ
وباب بمفتاحين
ودان الملك ليكو
وشاع الكفر فيكو
وزاد الفجر بيكو
عملتوا إسلاميين
وكفرتوا الإمام
وطفشتوا الحمام
خلاصة الكلام..
يزيد ولا الحسين!
No comments:
Post a Comment