حبلت الايام سنين
ولدت الايام دهور
دامت الايام لمين
وحدّوا المولى الغفور
صلّي ع اللي في القيامة يشفعك
واصحى يللي نمت من اللي بيوجعك
واكشف اللي بيؤلمك و بيمنعك
وانده اللي لو ندهته يسمعك
قول يا جارة
قول يا جار
مهما طال الليل وجار
كل جرم وله مدار
و الكواكب دوارين
وحدّوه يا مؤمنين
صحّي نومك يا اسطى فكري يللي ناسي
هلّ يومك يا اسطى مرسي يللي راسي
يا حبايب مصر يا اْهلي يا ناسي
اللي يعشق بالسهر حتما يقاسي
اصحى يا نايم كفاية
وحّد الخالق معاي
طالت الليل الرحايا
والحدادي قلقانين
وحّدوه يا مؤمنين
يللي صاحيين في البيوت
يللي كاشفين المكان
يللي سامعين السكوت
يللي واعيين للزمان
استعدوا للقيام
استعدوا للقيام
واقبلوا مني الكلام
مصر نايمة من سنين
وحّدوه يا مؤمنين
No comments:
Post a Comment