باستنظرك
باستنظرك
رغم القساوه في منظرك
لحظة هروبك يارباب
م الحب لما استنصرك
باستنظرك
رغم الشتا والبرد والرعد المخيف
باستنظرك
في الشارع المشغول بأوحال الرصيف
باستنظرك
أنا أصلي حاسب موعدك
وعارف اللي بيبعدك
وانا اللي خابر تبقى مين
وانا اللي صابر من سنين
بستنظرك
بستنظرك
وباعد لك
بالثانيه عمري
واعد لك
مطرح ف بستان الأمل
وبامد لك
وف كل خطوه أمد لك
إيدي اللي شققها العمل
مدى الخطاوي ياحبيبتي وقدمي
وان كنتي خايفه م الطريق اتبسمي
ياشمس ياللي ضحتك
قمر ينور سكتك
أنا اللي عشقك يستتك
باستنظرك
باستنظرك
ياجرحي ياحلمي العنيد
باستنظرك
باستنظرك
يامصر ياحبي الوحيد
وحتيجي يوم وتصدقي
عشقي الأصيل وتحققي
حلمي الجميل وتزوقي
عمري اللي ضاع مستنظرك
باستنظرك
باستنظرك
باستنظرك
No comments:
Post a Comment