Thursday, January 20, 2011

ده شعب فقري

نظرًا لأن النعمة فاقت حدها

ولأننا مش قدها

ولأن فعلاً إنجازاتك

فوق طاقتنا نعدها

ولأننا غرقنا في جمايل

مستحيل حنردها

نستحلفك.......نسترحمك

نستعطفك......نستكرمك

ترحمنا من طلعة جنابك

حبتين

عايزين نجرب خلقة تانية

ولو يومين

إسمع بقى

إحنا زهقنا من النعيم

ونفسنا في يومين شقا

عايزين نجرب الإضطهاد

ونعوم ونغرق فى الفساد

بيني وبينك حضرتك

دا شعب فقرى مايستحقش جنتك

أنا عارف إنه شعب ماينفعوش

إلا شارون وبلير وبوش

عايز يجرب الإمتهان

ويعيش عميل للأمريكان

بيمد "غازُه" لإسرائيل

ويومين كمان ويمد النيل

أهو يعنى نشرب ميه واحدة

ندوب فى بعض

ماء وماء وماء

ونفض سيرة الإنتماء

وبلاها نعرة وطنطنة

وتبقى البلاد "مستوطنة "

متسلطنة ومتسرطنة

إيه اللى خدناه م الكرامة والإباء

حبة خطب وكلام...كلام

إحنا راهننا على النظام

ورضينا بخيار السلام

خيار حنسد عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة مأجورين؟

ياعم فضك سيرة

وإرضى بقسمتك

دا شعب مش فاهم أكيد

يالا أُطرده من رحمتك

وإن كنت غاوى الحكم

خليك مطرحك

حاغطس وأقب وأعود

بشعب يريحك

راضى وعمره مايجرحك

أخرس وما بيسمعش

وأغميلك عينيه

مش كل قرش يبص فيه

مايقولش لأه، وفين، وليه

يضرب ينفض فى السليم

وعلى الصراط المستقيم

كل اللى يعرف ينطقه

عاش الزعيم

يحيا الزعيم

2 comments:

  1. شركة تنظيف مجالس بمكة

    اذا كنت تقيم بمدينة مكة المكرمة وتريد القيام باعمال التنظيف فنحن شركة صقر البشاير فنحن افضل شركة تنظيف بمكة وافضل شركة تنظيف منازل بمكة وتنظيف المجالس وتنظيف فلل بمكة وتنظيف جميع اعمال التنظيف فنحن لدينا سابقة اعمال كبيرة ولدينا اقل الاسعار فى جميع اعمال التنظيف فنحن شركة تنظيف مجالس بمكة وشركة نظافة عامة بمكة

    شركة تنظيف بمكة
    http://www.elbshayr.com/5/House-clearance

    ReplyDelete
  2. تعرف الان معنا على تقدم افضل الخصومات والعروض الرائعة الان من شركة نظافة بمكة كما اننا نقدم اليكم افضل العروض العالمية التى نقدمة الان من تنظيف سجاد التى لا مثيل لها اان فىق ال وقت ممكن وباقل الاسعار امختلفة التى من خلالها نعمل على تقدم افضل عزل خزانات الان من افضل العروض ايضا

    ReplyDelete