Monday, January 17, 2011

ع المحطة

ع المحطة

ع المحطة

و اللي شفته ع المحطة



طلعت الخفة

أم شنطة

سلم الأتوبيس بنطة

حتة ملعب

و الأكادة

ف القوام و الحسن بطة



هي خشت درجة أولى

و الكراسي بقت منطة

سابو تانية و غلب تانية

و القطيع على أولى خطي

اللي يصبش ف الجونلة

واللي يعلى

و اللي يوطى

بص واحد م اللي هما

دمعم فلفل و شطة



شاف صنايعي

ف البريمو

قال له خش هناك

يا أوسطى

تانية

انسب للي زيك

دي الحقيقة

بلاش مغالطة

الاسطى قال له

يا عم روق

دي الحياة تحب المباسطة

و انت شايف

مش مغمض

حاجة ملبن

حاجة قشطة

و لا يعني الكون حيخرب

لو فقير

يلهط له لهطة

No comments:

Post a Comment